Paulo Dybala beson se Juventusi “ka një shans të shkëlqyer për të fituar Ligën e Kampionëve këtë vit”, por insiston se kjo nuk i është kthyer atyre në një “fiksim”.

“Zonja e Vjetër” ka fituar titullin në Serie A që shtatë vite radhazi, po ashtu edhe trofeun e Kupës së Italisë në të kaluarën për katër sezone, transmeton portali arbresh.info.

Megjithatë, ata kanë dështuar në Evropë duke humbur në finalen e vitit 2015 dhe në atë të vitit 2017.

“Në Juventus, është gjithmonë qëllimi i njëjtë – të fitojmë tituj”, ka thënë Dybala për ‘Daily Mirror’.

“Është e vërtetë që këtë vit, nga jashtë, Liga e Kampionëve duket më shumë si një fiksim. Por në fokus është, si gjithmonë, titulli në ligë gjithashtu”

“Ne kemi një shans të madh për të fituar Ligën e Kampionëve këtë vit. Cristiano Ronaldo na ofron neve një tjetër opsion dhe është një lojtar shumë i mirë dhe këtë vit ne duhet të punojmë vërtetë shumë”

“Vitin e kaluar ne kemi luajtur kundër Madridit dhe ne thuajse kemi fituar! Brenda katër viteve ne kemi qenë në dy finale”

/arbresh.info/